Tos kageugeut hate Aa ku Eneng
Moal peugatku katresna sagede gunung
kanyaah, kadeudeuh Aa
moal endag kuangin topan
moal luntur kahujanan
moal putus tina titingalian hate
gurat seuneu patingburisat di langit luhureun panyalindungan
langit ceudeum katutupan mega nu ngagulung nyiliksik asup kana hate ngalimpudan rasa na jero dada
hawar-hawar sora hariring melengking
ngurilingan peuting nurihan hate nu keur rungsing
hiliwir angin peuting mawa talatah liwat kalakay
cenah manehna ayeuna keur tunggara
euh aya naon atuh AA
caritakeun katunggara teh
dinu hate pangjerona ngan sahiji nu abadi
najan deukeut, atawa jauh tapi leungeun hatemah aya dinu dada
Tidak ada komentar:
Posting Komentar